د فراه لوړو زده‌کړو مؤسسه کې نويو شامل شويو زده‌کړيالانو ته د ښه راغلاست او پوهنتون پيژندنې غونډه ونيول شوه.

farau_admin
Wed, Nov 01 2023 3:41 PM
Photo

چهار شنبه د ( ۱۴۰۲ل) کال د تلې/ميزان پر دولسمه نېټه د فراه لوړو زده‌کړو مؤسسه کې د ( ۱۴۰۲ل) کال کانکور له لارې بريالي شويو زده‌کړيالانو ته د ښه راغلاست او پوهنتون پيژندنې غونډه ونيول شوه. 
غونډه د پوهنيار محمد سرور احمدي له لوري د قرآن‌کريم په مبارکو آياتونو پيل شوه. ورپسې د يادې مؤسسې د علمي او محصلانو چارو مرستيال پوهنيار عبدالبصير رحماني خبرې وکړې, نوموړي په پيل کې نويو شامل شويو زده‌کړيالانو ته مبارکي وويله او دوی يې وهڅول تر څو دغه څلور کلنه دوره په برياليتوب سره پای ته ورسوي. همدارنګه يې محصلان وهڅول تر څو د پوهنتون په سمسورتيا کې فعاله ونډه واخلي. 
ورپسې د يادې مؤسسې رئيس مولوي سميع الله حقاني خبرې وکړې, ښاغلي حقاني زده‌کړيالان وهڅول تر څو خپلو اهدافو ته د رسيدو لپاره زيار وګالي او خپل هدف ته ورسيږی. نوموړي زده‌کړيالانو ته وويل,  چې زموږ لپاره د زده‌کړو ټول امکانات د ا.ا.ا له لوري چمتو شوي, نو دا زموږ دنده جوړيږي، چې د نظام سره اوږه په اوږه ودريږو او په ګډه د هېواد د آبادۍ لپاره کار وکړو. 
ورپسې پوهاند غلام رسول صمدي د علم په ارزښت خبرې وکړې او محصلان يې زده‌کړو ته وهڅول, نوموړي وويل: د هېواد آبادۍ لپاره له زده‌کړو بله ښه وسيله نشته، ځکه همدا زده‌کړې دي چې موږ د نورو هېوادونو سره سيال کولای شي. 
له ده وروسته د ښوونې او روزنې او شرعياتو پوهنځيو ښاغلو رئيسانو په خپل وار خبرې وکړې او زده‌کړيالان يې زده‌کړو ته وهڅول. 
غونډه د مولوي عبدالنافع منيب په دعا سره پای ته ورسيده.

نشراتو او فرهنګي کمیټه

Latest news

Sat, Jan 06 2024 9:55 PM
Background image

د فراه لوړو زدکړو مؤسسې څلورو کادري بستونو ته نوي غړي ور وپېژندل شول.

۲۴/جمادی الثاني/۱۴۴۵
 ۱۶/مرغومی/ ۱۴۰۲
د فراه د لوړو زدکړو مؤسسې د کنفرانسونو په تالار کې د دې پوهنتون دوو پوهنځيو او دوو آمریتونو ته د تازه ګمارل شویو رئیسانو او آمرین د پېژندنې په پار. . .

BACK TO NEWS