د فراه لوړو زدهکړو مؤسسې او د فراه ولایت مستوفيت مقام ترمنځ د دوه اړخيزه همکاريو ګډ هوکړه ليک لاسلیک سو
دوشنبه د ( ۱۴۴۵ه ق) د صفر پر (۵ مه) نېټه چې د روانې مياشتې د اسد دېرشمې نېټې سره سمون خوري د فراه لوړو زدهکړو مؤسسې او د فراه ولايت د مستوفيت مقام ترمنځ د دوه اړخيزه همکاريو ګډ هوکړه ليک او تفاهمنامه د فراه لوړو زدهکړو مؤسسې د ښاغلي رئيس مولوي سميع الله احمدي او د فراه ولايت د مستوفیت مقام ښاغلي رئيس مولوي عتيق الله خالد له لوري لاسلیک شو.
د دې هوکړه ليک د لاسليک پر مهال دواړو لوريو خوښي وښوده او ژمنه يې وکړه چې په هر ډول شرايطو کې به د ظرفيت لوړونې لپاره يو له بل سره اوږه په اوږه دريږي او خپلو همکاریو ته به دوام ورکوي.
د ياد هوکړه ليک د لاسليک پر مهال د علمي او محصلانو چارو معاون پوهنيار عبدالبصير رحماني, مالي او اداري چارو معاون حافظ مولوي عبدالنافع منيب, د ښوونې او روزنې, اقتصاد او زراعت پوهنځيو رئيسانو هم د يادې مؤسسې د ښاغلي رئيس ملتيا کوله.
