د فراه لوړو زدهکړو مؤسسې ته د امرباالمعروف او نهي عن المنکر ریاست د مسؤلینو راتګ
په ۲۲/ ۳/ ۱۴۰۲ نېټې باندې د فراه لوړو زدهکړو مؤسسې ته د امرباالمعروف او نهي عن المنکر ریاست مسؤلینو تشریف راوړ. په دې پار د فراه لوړو زدهکړو مؤسسې ټول استادان، اداري کارمندان او محصلان د دې مؤسسې په جومات کې راټول سول. غونډه د مولوي شاه ولي الله د قرآن مجید په تلاوت سره پيل او وروسته مولوي صدیق الله واجد حاضرینو ته عالمانه وینا واورول، په خپلو خبرو کې د امرباالمعروف او نهي عن المنکر ریاست د مسؤلینو دنده یې د امارت او خلکو ترمنځ اړیکه ټینګول، یاد کړه او د حاضرینو څخه یې وغوښتل تر څو پر ځان باندې اسلامي نظام تطبیق کړي او خپل سیرت او صورت پر نبوي سنتو باندې برابر کړي، همداسې خپله عقیده او فکري لوری دې پر اسلامي شریعت سره جوړ کړي او د هر چا د خبرو پسې ولاړ نسي.
وروسته مفتي محمد مسلم سعید دریځ سر ته راغی او په دري ژبه یې وینا وکړه او په خپلې وينا کې یې وویل: موږ مسلمانان باید په دې ویاړ وکړو، چې دین مو اسلام دی؛ نو باید اسلامي احکام پر ځان باندې تطبیق کړو او د امر باالمعروف او نهي عن المنکر ریاست د مسؤلینو دا مسؤلیت دی، چې اسلامي ارشادات تر تاسو پورې را ورسوي او په دې هیله چې تاسو خپل ځانونه، رفتار او اخلاق په نبوي سنتو باندې سمبال کړی. له دې څخه وروسته ناسته په دعایې سره ختمه سوه.
فرهنګی او نشراتو کمیټه
