د هرات پوهنتون له رئیس سره لیدنه
د شنبې ورځ په ۲۶/ ۰۱/ ۱۴۰۲ل نېټې چي د روژې مبارکې میاشتې له ۲۴ سره یې سمون درلود، د فراه د لوړو زدهکړو مؤسسې رئیس ښاغلي مولوي سميع الله احمدي او ورسره مل پلاوي هر یو ښاغلي خلیل احمد برهاني د ښوونې او روزنې پوهنځي رئیس، مولوي عبدالنافع منيب مالي او اداري مرستيال او پوهنیار حشمت الله ساراني د اقتصاد پوهنځي استاد؛ د هرات پوهنتون له رئیس ښاغلي پوهندوی عبدالعزیز نعماني سره د هرات پوهنتون د ریاست په دفتر کې وکتل. په دې ناسته کې د فراه د لوړو زدهکړو مؤسسې رئیس د نوي پوهنځي (اداره او عامه پاليسي) د ایجاد او نصاب د چمتو کولو په اړه مفصل بحث وکړ. همدارنګه د هرات پوهنتون د رئیس او نورو اداري کارکوونکو څخه وغوښتل شول، تر څو د فراه د لوړو زدهکړو مؤسسې کادري او اداري اسناد په چټکي سره طی مراحل سي، همداسې د دې تر څنګ د تضمین کیفیت او نورو اړینو موضوعاتو په هکله هم بحث ترسره شو او مقابل لوري د پوره مرستې او همکارۍ ژمنه وکړه.
د یادونه وړ ده، چې د فراه د لوړو زدهکړو مؤسسې رهبري، استادان او ټول کارکوونکي پوره هوډ لري، تر څو هر څه ژر یاده مؤسسه په پوهنتون واړوي. انشاءالله!
