د ښوونې او روزنې پوهنځی

پېژندنه

د ښوونې او روزنې پوهنځی، چې د فراه ولایت او د هېواد په کچه د یو علمي او اکاډمیک بنسټ په توګه پېژندل کېږي، په ۱۳۹۱ لمریز کال کې د فراه پوهنتون په چوکاټ کې د دوو څانګو «ریاضي–فزیک» او «کیمیا–بیولوژي» په جوړېدو سره تأسیس شو. په ۱۳۹۴ لمریز کال کې یادې څانګې په څلورو څانګو (ریاضي، فزیک، کیمیا او بیولوژي) ووېشل شوې. د یادونې وړ ده، چې په همدې کال کې د اسلامي علومو او فرهنګ څانګه هم په دغه پوهنځي کې رامنځته شول.

همدارنګه، په ۱۳۹۲ لمریز کال کې د «پښتو، دري او انګلیسي» ژبو څانګې د یاد پوهنځي په چوکاټ کې منظور او رسمي شول. دا مهال د ښوونې او روزنې پوهنځی اته (۸) فعال دیپارتمنتونه لري او علمي او اداري چارې یې د (۳۵) تنو علمي کادر غړو او څلورو (۴) اداري کارکوونکو له لوري پر مخ وړل کېږي.

یاد پوهنځی د خپل تأسیس په لومړي کال کې (۲۴۶) تنه محصلان د کانکور ازموینې له لارې جذب کړل. په ۱۳۹۲ لمریز کال کې (۲۰۰) تنه او په ۱۳۹۳ لمریز کال کې (۷۸۲) تنه نور محصلان د کانکور له لارې دې پوهنځي ته شامل شول. له نېکه مرغه، د وخت په تېرېدو سره د محصلانو د جذب کچه لوړه شوې، او دا مهال د پوهنځي د محصلانو شمېر (۱۸۱) تنو ته رسېږي.

د ښوونې او روزنې پوهنځی دا مهال د هېواد د ښوونې او روزنې نظام ته د لیسانس په کچه مسلکي استادان او متخصصین روزي. په دې پوهنځي کې (۳۰) تنه استادان د ماستري تحصیلي درجې او (۵) تنه استادان د لیسانس تحصیلي درجې لرونکي دي، چې دا مهال د ماستري په پروګرامونو کې پر زده‌کړو بوخت دي.

د علمي رتبو له پلوه، په دې پوهنځي کې (۶) تنه استادان د نامزد پوهنیار، (۱۹) تنه د پوهنیار، او (۱۰) تنه د پوهنمل علمي رتبه لري.

لیدلوری

د ښوونې او روزنې پوهنځی د یوه معتبر علمي مرجع په توګه غواړي، چې د تدریس او څېړنې له لارې د ټولنې د وګړو په علمي، تعلیمي، روزنیز او کلتوري پیاوړتیا او پرمختګ کې مخکښ رول ولوبوي.

مأموریت

د ښوونې او روزنې پوهنځی د لوړو زده‌کړو په برخه کې د باکیفیته تحصیلاتو د وړاندې کولو، د تعلیمي او تحصیلي بنسټونو لپاره د مسلکي او متخصصو ښوونکو د روزنې، د باکیفیته علمي خدمتونو د وړاندې کولو، د ټولنې د اړتیاوو د پوره کولو لپاره د معیاري علمي څېړنو د ترسره کولو او د معاصر تدریسي میتودونو د کارونې له لارې د معیاري او مسلکي زده‌کړو د تأمین لپاره ځان ژمن او مسؤل ګڼي.

ارزښتونه

د اسلامي ارزښتونو او انساني کرامت ساتنه؛
ملي او سیمه‌ییزو ارزښتونو ته درناوی؛
د خدمتونو د کیفیت دوامداره لوړونه؛
امانت‌داري او راز ساتنه؛
رښتینولي او متقابل همکاري؛
د څېړنې اخلاقي اصولو ته ژمنتیا.

د ښوونې او روزنې پوهنځي استراتیژیک موخې

د ښوونې او روزنې پوهنځی د راتلونکو پنځو (۵) کلونو لپاره، د خپل مأموریت او لیدلوري پر بنسټ، لاندې موخو ته د رسېدو هوډ لري:

د ټولنې د اړتیاوو له مخې د لیسانس په کچه د علمي او مسلکي کادرونو روزنه؛
د کیفیت د لوړونې او اعتبارورکونې بهیر پیاوړتیا؛
د ټولنې د اړتیاوو مطابق د علمي او څېړنیزو پروګرامونو رامنځته کول او پراختیا؛
د معلوماتي ټکنالوژۍ او بنسټیزو تأسیساتو کمیتي او کیفي پراختیا؛
له کورنیو او بهرنیو تحصیلي او غیرتحصیلي بنسټونو سره د تفاهم‌لیکونو او توأمیتونو زیاتول؛
د علمي متخصص کادرونو او اداري کارکوونکو زیاتوالی د علمي او څېړنیزو خدمتونو د وړاندې کولو لپاره؛
د علمي کادرونو او کارکوونکو د ظرفیت لوړونه د کیفیت د ښه کېدو او مسلکي کېدو په موخه.

د ښوونې او روزنې پوهنځي موخې

د ټولنې د اړتیاوو په پام کې نیولو سره د لیسانس په کچه د علمي او مسلکي کادرونو روزنه؛
د کیفیت د ښه والي او اعتبار اخیستنې بهیر پیاوړتیا، څو پوهنځی د هېواد په کچه یو معیاري پوهنځی وګرځي؛
د تدریس د کیفیت لوړونه او په شته څانګو کې د علمي فعالیتونو پیاوړتیا؛
د علمي کادرونو او کارکوونکو د ظرفیت لوړونه د مسلکي کېدو او تعلیمي کیفیت د ښه والي لپاره؛
له کورنیو او بهرنیو پوهنتونونو سره د علمي اړیکو رامنځته کول او ساتنه.

A computer screen shot of a chart

AI-generated content may be incorrect.

چارت(۱): د اداري او د ښوونې او روزنې پوهنځی څانګې تښکیل

جدول(۱): ښوونې او روزنې پوهنځي علمي کادر غړو تحصیلي سویې جدول

علمي کادر غړو تحصیلي سویه
لیسانس	ماستر	داکتر	مجموعه
۵	۳۰	۰	۳۵

جدول(۲): ښوونې او روزنې پوهنځي علمي کادر غړو علمي رتبو جدول

علمی رتبه
پوهاند	پوهنوال	پوهندوی	پوهنمل	پوهنیار	نامزد پوهنیار	پوهیالی
۰	۰	۰	۱۰	۱۹	۶	۰

گراف(۱): د ښوونې او روزنې پوهنځي د علمي رتبو ګراف

محصلانو د جذب احصایه

د تعلیم او تربیې پوهنځي د خپل تأسیس له پیله تر دولسو (۱۲) کلونو پورې، په بېلابېلو رشتو کې ټولټال (۳۲۲۹) تنه محصلان جذب کړي دي، چې د یادې احصایې ګراف په لاندې ډول وړاندې کېږي.

جنسیت		کال
نارینه	ښځینه	کال
۵۵	۴	۱۳۹۱
۸۷	۲۰	۱۳۹۲
۱۱۰	۲۶	۱۳۹۳
۲۰۹	۳۶	۱۳۹۴
۲۷۳	۳۸	۱۳۹۵
۲۷۴	۱۰۶	۱۳۹۶
۷۴۹	۲۵۳	۱۳۹۷
۱۱۲	۱۱۷	۱۳۹۸
۱۶۸	۱۱۵	۱۳۹۹
۱۲۵	۱۸۰	۱۴۰۰
۷۴	۲۳	۱۴۰۱
۷۵	۰	۱۴۰۲
35	0	1403
67	0	1404

گراف(۴): جذب محصلین ‌پوهنځی تعلیم و تربیه بر حسب سال

تجهيزات، امکانات او زېربنا

دا مهال د ښوونې او روزنې پوهنځی یو خپلواک ودانیز تعمیر لري چې په دوو پوړونو کې جوړ شوی دی. په دغه پوهنځي کې اداري څانګې، درسي ټولګي، کتابتون، لابراتوار، د کنفرانس خونې او شنه فضا شتون لري.د پوهنځي اداري څانګې په نسبي ډول په لازم تجهيزاتو سمبالې دي، او کتابتون او لابراتوار یې دا مهال د تجهیز او پیاوړتیا په پړاو کې دي.

څانګې

د ښوونې او روزنې پوهنځی استراتژیک پلان ⬇️