د فراه لوړو زدهکړو مؤسسې (۳۰) تنو استادانو ته د (OBE او SCL) لس ورځنی ورکشاپ پيل شو!
د فراه لوړو زده کړو مؤسسې (۳۰) تنو استادانو ته د کندهار او هلمند پوهنتونونو د دوو تنو ماسټرټرينرانو لخوا د (OBE او SCL) لس ورځنی ورکشاپ پيل شو.
ورکشاپ د مفتي عبدالمالک فاروقي لخوا د قرآنکريم په څو مبارکو اياتونو سره پيل شو.
لومړی د فراه لوړو زده کړو مؤسسې علمي او محصلانو چارو مرستیال پوهنيار عبدالبصير رحماني د کندهار او هلمند پوهنتونونو ماسټرټرينرانو ته ښه راغلاست او هرکلی ووايه او د یاد ورکشاپ پر اهميت او مهمو موخو يې بحث وکړ.
وروسته ماسټرټرينر پوهنمل محمد قاسم عادل لنډه وينا وکړه او د ورکشاپ د جوړښت په اړه يې رڼا واچوله او د (OBE او SCL) ورکشاپ لومړنۍ ورځې برخه يې د فراه لوړو زدهکړو مؤسسې (۳۰) تنو استادانو ته وړاندې کړه.
ياد ورکشاپ د خير په دعا سره پای ته ورسيد.
