د صحت کمیټې له خوا د وینې ګروپونو تعینولو تر عنوان لاندې سمينار وړاندې شو!
د سه شنبه ورځ په ۱۴۴۵/۵/۱۴ نېټه د صحت کمیټې غړي ښاغلي شاه محمد لخوا د (د وینې ګروپونو تعیینول) تر عنوان لاندې سمینار وړاندې شو.
د یاد سمینار موضوع د صحت کميټې مسئول ښاغلي پوهنیار نظیف الله مهین لخوا نوموړي ته ورکړل شوې وه، چې د یو شمېر استادانو او محصلانو په حضور کې وړاندې شوه.
ښاغلي شاه محمد په پيل کې د وینې ګروپونو، د ګروپونو د ټاکلو طریقه او د وینې انتقال په هکله هر اړخیز معلومات وړاندې کړل، وروسته یې په عملي ډول د څو کسانو د وینې ګروپونه مشخص کړل.
د صحت کمیټې مسئول او استادانو د نوموړي کړنې وستایلې او د ژوند په چارو کې یې ورته د لا بریالیتوب هیله وکړه. سمینار د دعایې په لوستلو سره پای ته ورسید.
