د لابراتوارونو د اړتیاوو ارزونې هیئت د فراه لوړو زدهکړو مؤسسې څخه لیدنه وکړه.
نېټه: یکشنبه؛ ۱۹ / ۵ / ۱۴۴۵ ل.س / ۱۲ / ۹ / ۱۴۰۲
د ښاغلي عبدالوکیل مزمل د تحقیق، تألیف او ژباړې ریاست استازي په مشري، د دې مؤسسې د لابراتوارونو د اړتیاوو ارزونې هیئت لیدنه وکړه.
په دغه ناسته کې د نوموړي هیئت ټولو غړو هر یو (محمد نعیم نظري، روح الله موحد، محمد عظیم شیرزوی، صفت الله پامیري ) او د یادې مؤسسې د علمي او محصلانو چارو مرستیال پوهنیار عبدالبصیر رحماني تر مشرۍ لاندې د تعلیم او تربیې پوهنځي د کیميا، بیولوژي او فزیک څانګو آمرینو او استادانو هم ګډون کړی و.
د فراه لوړو زدهکړو په مؤسسه کې د شتهوو لابراتوارونو د وضعیت په تړاو معلومات، د استادانو په همکارۍ د لابراتوارونو تجهیزاتو ته لیست جوړول، د لابراتوارونو اړتیاوو او داسې نورو موضوعاتو باندې عملأ کار وشو، تر څو په نږدې راتلونکي کې یاد تجهیزات او مواد رانیول شي.
