پیام رئیس مؤسسۀ تحصیلات عالی فراه

1 year 2 months ago

الحمدلله و الصلاة و السلام علی رسول الله

څه شول زما هغه لیدلي خلق

هغه خواږه هغه سپېڅلي خلق

خوښ وم چې ابتداء کې د هغو شازلمیو یادونه وکړم کومو چې د درو یرغلګرو ښکیلاکو د غرور څپه په شا و تمبول او له یوې اوږدې غزا وروسته یې د ملالې ارواح ښاد کړ، سر سپارلو فدایانو رب ج مو د فردوس جنت نصیب کړه. رحمکم الله برحماته الواسعة.

له سختو کړاوونو راوتلیو افغانانو!

دردونه مو مشترک دي، هیلې مو ګډې دي، قربانۍ، ستړیاوې، کړاوونه مو د تاریخ ساتنې نښه ده. خو اوس چې له سترې آزادۍ، او منلې خپلواکۍ برخمن یو، نو لازمه ده چې د شکر سجدې، او د پرمختګ لپاره شوګیرې وکړو او د بیلابیلو ګیلو او ګلوارو پرځای د اسلامي نظام د بقاء لپاره مټې راونغاړو او د موجود اسلامي امارت کلک ملاتړ وکړو تر څو چې امن قائم، اقتصاد پیاوړی او عزت مو خوندي وي.

لکه څرنګه چې د اسلامي نظام تر هر څه، تعلیم او تحصیل ته ژمن دی نو مټې په نغښتې او په ډیرې چټکۍ سره د تعلیمي او تحصیلي بنسټونو د کیفیت او کمیت ضامن دی. په دې اساس د فراه لوړو زده کړو مؤسسې ریاست متعهد دی چې د اسلامي نظام سره لاس په لاس ورکوي او د تحصیل په بهیر کې به په نیږدي راتلونکي کې به اولس ته له سترو پرمختګونو او نوښتونو زیری ورکړي.

مو سترې بلاګانې ماتې کړې

اوس د جهل بلا مري ماته یې کاندې

و السلام