د فراه لوړو زده کړو مؤسسې ورزشي جمنازيوم کې د فوټسال ټورنمنټ پای لوبه ترسره شوه!
په دې ټورنمينټ کې د ښوونې او روزنې, شرعياتو , اقتصاد او زراعت پوهنځيو د بيلا بيلو څانګو څخه (۱۲) لوبډلو ونډه درلوده, چې پای لوبه يې نن شنبه( ۱۴۴۵ه ق) کال د شعبان پر (۲۸)تمه نېټه د فراه لوړو زده کړو مؤسسې په ورزشي جمنازيوم کې د اقتصاد او کرنيزې پراختيا او د ملي اقتصاد څانګو لوبډلو تر منځ وشوه او د ملي اقتصاد څانګې په بريا سره پای ته ورسيده.
د ټورنمټ پایغونډه د قرانکريم په مبارکو اياتونو پيل شوه, ورپسې د علمي او محصلانو چارو معاون وينا وکړه او د ورزش په ارزښت يې ګټورې خبرې وکړې. نوموړي ژمنه وکړه, چې د دې ډول سياليو لمن به د پوهنتون څخه د باندې هم وغځوي تر څو د ولايت په کچه نورې لوبډلې هم پکې ګډون وکړي, چې په دې سره به د ورزش اهميت او ګټو په تړاو عام ذهنيت وده وکړي او په راتلونکي کې به د ورزش په برخه کې ښه پرمختګونه ولرو. په پای کې د يادو لوبډلو د تشويق او هڅونې په موخه لوبغاړو ته ستاينليکونه او جايزې هم ورکړې.
نشراتو او فرهنګي کمیټه
