فراه پوهنتون کې د شاوخوا ۱۰ میلیونه افغانیو په لګښت د ویالو کېندلو او جوړولو چارې پیل شوې
فراه پوهنتون کې د ۷۰۰ مترو په اندازه دوه طرفه ویالې، چې ۸۰ سانتي متره عرض او یو متر لوړوالی لري، د جوړېدو چارې پیل شوې.
د دې ویالو په جوړېدو شاوخوا ۹ میلیونه ۹۸۳ زره افغانۍ لګښت راځي، چې د لوړو زده کړو وزارت له بودیجې ورکول کېږي.
د یادونې ده، چې په یاد پوهنتون کې څه موده وړاندې هم د ۱۵ میلیونه او ۹۳۲ زره افغانیو په لګښت د احاطوي دیوال د دویم فاز چارې پیل شوې وې او د ۱۶ میلیونه افغانیو په لګښت یې د لومړي فاز کارونه بشپړ شوي وو.
