د فراه لوړو زده کړو مؤسسې رئیس د استادانو سره ګډه ناسته ترسره کړل!
د فراه لوړو زده کړو مؤسسې رئیس مولوی سمیع الله حقاني د يادې مؤسسې پنڅه ګونو پوهنځيو استادانو سره ګډه ناسته ترسره کړل.
ناسته د قرآن کریم په تلاوت سره پیل شوه.
وروسته د فراه لوړو زده کړو مؤسسې رئیس وینا وکړه چې د اسلامي نظام د تداوم په هکله خبرې وکړي او ټولو څخه یې وغوښتل چې ځانونه د هر ډول اختلاف څخه وساتي.
او همدارنګه يې زياته کړه چې هر استاد په پوره تقوا او اخلاص سره خپله دنده سرته ورسوي او خپل د آمر څخه اطاعت وکړي.
وروسته يې د څېړنې پر ارزښت باندې هم خبرې وکړي، او وويل چې اسلامي امارت ته څېړنې او نوښت ډير اهمیت لري او ځانګړی ارزښت ورکوي نو باید ددغه فرصت څخه پوره ګټه واخلو او هر يو نوښتیزه څېړنه ترسره کړو.
او په پای کې يې د استاد او محصل د اړیکې په اړه هم مفصل بحث وکړ او زياته ېې کړه چې محصل ته باید د زده کړې او څېړنې انګیزه ورکول شي او د محصل تدریس او حقوقو ته ځانګړی پاملرنه وشي.
او یاده ناسته د خیر په دعا سره پای ته ورسیده.
