د فراه لوړو زده کړو مؤسسې د رئیس په مشرۍ د مدیرانو او مامورینو عمومي غونډه تر سره شوه!
د دوشنبې ورځ د ( ۱۴۴۴ه.ق ) کال د رمضان المبارک مياشتې پر (۱۹) نېټه د فراه لوړو زدهکړو مؤسسې د ریاست په دفتر کې د مدیرانو او مأمورینو عمومي غونډه تر سره شوه.
غونډه د فراه لوړو زدهکړو مؤسسې د ښاغلي رئيس مولوي سميع الله احمدي په مشرۍ تر سره شوه, چې په غونډه کې د فراه لوړو زدهکړو مؤسسې علمي او محصلانو چارو مرستیال پوهنيار عبدالبصير رحماني, د څلور ګونو پوهنځيو مدیرانو, مأمورینو او نورو اداري غړو ګډون کړی و.
غونډه د قرآنکريم په مبارکو آياتونو پيل شوه, ورپسې د یادې مؤسسې د ټولو مدیرانو، مأمورینو او نورو اداري کارکوونکو د پيژندنې په اړه لنډ معلومات وړاندې شول.
له پېژندنې وروسته د يادې مؤسسې ښاغلي رئيس مولوي سميع الله احمدي د اجنډا سره سم خبرې پيل کړې, نوموړي په پيل کې د غونډې ګډونوالو ته د خپلو زدهکړو او کاري سابقې په اړه لنډ معلومات وړاندې کړل.
نوموړي پوهنتون د زدهکړو ځای وباله او دا يې څرګنده کړه، چې دلته زموږ اصلي هدف تدريس او د يو سوکاله او سرلوړي افغانستان لپاره په بيلابيلو برخو کې د کادرونو وړاندې کول دي, چې د دې هدف تر لاسه کول د یو سالمه مدیریت په واسطه په لاس راځي.
همدارنګه يې ديني او عصري زدهکړې ضروري وبللې او څرګنده يې کړه، چې په دې برخه کې بايد په ګډه هڅې وکړو او د هر ډول تعصب, کرکې او ډلو ټپلو څخه ځان وساتو, ځکه چې ډلې ټپلې, تعصب او کرکه د نظام ريښې وچوي او موږ نه پريږدي، چې خپلو اساسي اهدافو ته ځانونه ورسوو.
همدارنګه يې تاکيد وکړ چې ټول بايد په ګډه د نظام د بقا او پرمختګ لپاره مټې رابډ وهو او د يو سوکاله, سرلوړي او اسلامي نظام ته پاپند حکومت په وړاندې خپل حق پر ځای کړو.
د غونډې په پای کې د ښاغلو ګډونوالو ستونزې او وړاندیزونه واوریدل شول او د حل کولو ټېنګه ژمنه یې وشوه.
