د فراه لوړو زدهکړو مؤسسې د شرعیاتو پوهنځي د علمي کادر نویو مقرر شوو غړو لپاره سمینار دایر شو
د پنجشنې ورځ د (۱۴۰۲ ه.ل) کال د سنبلې میاشتې (۹) نېټه د فراه لوړو زدهکړو مؤسسې د شرعیاتو پوهنځي د علمي کادر نوېو مقرر سوو غړو ته د پوهنتون او لوړو زدهکړو وزارت د قوانینو، لوایحو او طرزالعملونو د تشریح په موخه د یادې مؤسسې د کنفرانسونو په تالار کې سمینار دایر شو.
یاد سمینار د یادې مؤسسې د استادانو د تقرر او علمي ترفیعاتو آمر ښاغلي پوهنیار حسیب الله ایازي لخوا وړاندې شو.
په دې سمینار کې د پوهنتون او اړوند واحدونو معرفي، د علمي کادر غړو مکلفیتونه او مسئولیتونه، د علمي کادر غړو د رتبو تثبیت، ترفیع، د لارښود استاد دندې، ژمنې، د پوهنځي رئیس، د څانګو آمرینو او استادانو دندې او ... هر اړخیزه معلومات وړاندې سول او په پای کې د استادانو پوښتنو ته یې ځوابونه ورکړل.
د یادونې وړ ده، چې په دې سمینار کې د شرعیاتو پوهنځي د دوو څانګو څخه ۱۲ تنو استادانو ګډون کړی وو.
یاد سمینار د دعا په ویلو سره پای ته ورسید.
