د فراه پوهنتون لیدلوری، مأموریت، ارزښتونه او موخې
لیدلوری
فراه پوهنتون هوډ لري چې د تدریس، علمي څېړنو او د لوړ کیفیت لرونکو معیاري خدمتونو د وړاندې کولو له لارې د مسلکي کادرونو په روزنه کې د هېواد په کچه د یوه معتبر، علمي او مخکښ پوهنتون په توګه خپل ځای تثبیت کړي.
مأموریت
فراه پوهنتون هڅه کوي چې د مسلکي او اخلاقي معیارونو په رڼا کې د ښوونې او روزنې، کرنې، اقتصاد، شرعیاتو او نورو علمي څانګو په برخه کې محصلانو، استادانو او کارکوونکو ته د نظري او عملي پوهې د ترلاسه کولو مناسب فرصتونه برابر کړي، څو هغوی د خپلې پوهې، نوښتونو او علمي څېړنو په مټ د هېواد د پرمختګ، سوکالۍ او امنیت په تأمین کې اغېزمن رول ولوبوي.
موخې او پروګرامونه
- د ټولنې د اړتیاوو پر بنسټ د لېسانس په کچه د علمي او مسلکي کادرونو روزنه؛
- د کیفیت د تضمین او اعتبار ورکونې بهیر پیاوړتیا، ترڅو فراه پوهنتون په یوه معیاري علمي بنسټ بدل شي؛
- د ټولنې د اړتیاوو له مخې د علمي او څېړنیزو پروګرامونو رامنځته کول او پراختیا؛
- د معلوماتي ټکنالوژۍ او بنسټیزو تأسیساتو کمّي او کیفي پراختیا، د پوهنتون د لا پرمختګ او ودې په موخه؛
- له کورنیو او بهرنیو تحصیلي او غیرتحصیلي بنسټونو سره د همکاریو، تفاهملیکونو او علمي اړیکو پراختیا؛
- د متخصصو علمي کادرونو او اداري کارکوونکو زیاتول، ترڅو ټولنې ته اغېزمن علمي او څېړنیز خدمات وړاندې شي؛
- د علمي کادرونو او اداري کارکوونکو د ظرفیت لوړول، د کیفیت د ښهوالي او مسلکي کېدو په موخه.
ارزښتونه
- اسلامي، ملي او اکاډمیکو ارزښتونو ته درناوی او د هغو ساتنه؛
- ښه، اغېزمن او مسئولانه مدیریت؛
- په ټولو چارو کې شفافیت او روڼتیا؛
- د هر ډول فساد مخنیوی؛
- له خلکو سره د اسلامي اصولو پر بنسټ نېک چلند او غوره اخلاق؛
- دینپالنه، هېوادپالنه، وفاداري او د هېواد د لوړو زدهکړو د ارزښتونو پر وړاندې ژمنتیا.
راتلونکي پروګرامونه
- د لوړو زدهکړو وزارت د پنځه کلن ستراتیژیک پلان په رڼا کې د فراه پوهنتون د پنځه کلن ستراتیژیک پلان (۱۴۰۲–۱۴۰۶ هـ.ش) بشپړ او پر وخت تطبیق؛
- د کیفیت د تضمین او اعتبار ورکونې د ټولو پړاوونو بریالۍ ترلاسه کول؛
- د فراه پوهنتون لا زیات پرمختګ او په بشپړ ډول د یوه معیاري لوړو زدهکړو بنسټ په توګه تثبیت.