د فراه لوړو زده کړو موسسه کې د چاپيريال د پاکوالي په موخه عمومي اشر ترسره شو!
يکشنبه د (۱۴۴۴ه ق) پر ( ۱۷)مه نېټه د فراه لوړو زده کړو مؤسسې د چاپيريال د پاکوالي په موخه د زده کړيالانو، استادانو او ادراي کارکوونکو لخوا د خځلو ټولولو عمومي اشر تر سره شو .
دا پروګرام چې د فراه د لوړو زده کړو موسسې د رئیس ښاغلي مولوي سميع الله احمدي او رهبري هئیت په سپارښتنه او غوښتنه باندې په لاره اچول شوی و موخه يې د پوهنتون د ساحې پاکوالی او د دې فرهنګ دودیدل و . ښاغلي ريس صاحب احمدي د نورو فراهي ولسونو څخه هم وغوښتل، چې ټولې ولسي چارې دې په ګډه او اشر سره ترسره کړي؛ تر څو د ښار هره ستونزه حل شي.
په ياد عمومي اشر کې د فراه پوهنتون ګلدانونه، چمنونه او د ونو لاندې خځلې ټولې شوې او په یو لرې ځای کې وسوځول شوې.
په پای کې زده کړيالانو، استادانو او اداري کارکوونکو ژمنه وکړه، چې ورته اشر به وخت پر وخت په لار اچوي تر څو د پوهنتون چاپيريال د خځلو څخه پاک او د زده کړو او تفريح لپاره يو ښه پاک محيط ولرو.
فرهنګی او نشراتو کمیټه
