د فراه پوهنتون د ۱۴۰۳ کال غوره څېړونکي استادان وستایل شوه!
د فراه پوهنتون څېړنو او علمي مجلې آمريت لخوا د ۱۴۰۳ کال غوره څېړونکي استادان د يوې غونډې په ترڅ کې وستایل شوه او د استادانو مسلکي پرمختيا آمريت لخوا د په لاره اچول شوي لس ورځني (OBE - OCL) سمينار اسنادونه وويشل شول.
غونډه د مفتي سعيداحمد نوري لخوا د قرآن کريم په څو مبارکو اياتونو په تلاوت سره پيل شوه.
لومړی د فراه پوهنتون رئيس مولوي سميع الله حقاني د اسلام له نظره د څېړنې ارزښت او څېړنو ته د افغانستان اسلامي امارت خاصه پاملرنې او همغږۍ په اړه وينا وکړه.
وروسته د څېړنو او علمي مجلې آمر پوهنیار محمدحسين میاخېل د څېړنې ارزښت او په ياد آمريت کې د څېړنيزو چارو د پرمختګ په اړه معلومات وړاندې کړل.
ورپسي د علمي او محصلانو چارو مرستیال پوهنمل عبدالبصير رحماني فراه پوهنتون کې د څېړنيزو چارو پرمختګونه بي ساري وباله او ټول استادان يې د څېړنو د لا پرمختګ لپاره وهڅول.
وروسته د څېړنو او علمي مجلې آمريت لخوا د ۱۴۰۳ کال غوره څېړونکي د ستاينليکونو په ورکړي سره وستایل.
او په پای کې د استادانو مسلکي پرمختيا آمريت د (OBE - OCL) لس ورځني سمينار ګډونوالو ته د ياد سمينار اسنادونه وويشل.
سمينار د خير په دعا سره پای ته ورسيد.
