د ښوونې او روزنې پوهنځي له مخکیني رئیس سره مخه ښه او پر ځای یې د نوي سرپرست معرفيغونډه
د شنبه ورځ د (۱۴۰۲) کال د وږي/سنبلې میاشتې (۴) نېټه د فراه لوړو زدهکړو مؤسسې ښوونې او روزنې پوهنځي مخکینی رئیس پوهنیار خلیل احمد برهاني چې له وړاندې د چین هېواد دوکتورا بورس ته معرفي سوی و، خپل له رسمي مسؤلیت څخه ګوښه سو او د یادې مؤسسې د رهبري لخوا ښاغلي برهاني صاحب ته د مخه ښه او ستاینې غونډه په لاره واچول سوه.
یاده غونډه د پوهنیار رحمت الله مهرباني د څو مبارکو آیتونو په تلاوت سره پيل سوه، چې په سر کې د علمي او محصلانو چارو مرستیال پوهنیار عبدالبصیر رحماني ټولې رهبري او استادانو ته ښه راغلاست ووايه او د ښاغلي برهاني صاحب پر درې کلني هڅو او مسؤلیتونو رڼا واچوله او نوموړي ته یې د لابريالیتوبونو غوښتنه وکړه.
د غونډې په ترڅ کې کوم ستاینلیک چې د یادې مؤسسې د رهبري لخوا ښاغلي برهاني صاحب ته د ښو کړنو په پار، په نظر کې نيول سوی و، ډالۍ سو.
وروسته مولوي سمیع الله احمدي د فراه لوړو زدهکړو مؤسسې رئیس د ښوونې او روزنې پوهنځي رهبري هیئت ته د یادې پوهنځي د مسؤلیت مختهوړلو لپاره ښاغلی نوماند پوهنیار محمد افغان د رياضي څانګې استاد چې دمګړی یې خپل د ماستري پروګرام د کابل په ښوونې او روزنې پوهنتون کې بشپړ کړی دی، معرفي او ورپيژانده.
ښاغلي نوماند پوهنیار محمد افغان په خپلو خبرو کې له مخکيني رئیس څخه مننه وکړه او دا دنده یې مسؤلیت وباله نه امتياز؛ نوموړي زیاته کړه چې انشاءالله تعالی چې د فرامینو، اصولو، قوانینو او لوايحو په رڼا کې به د آمرینو، استادانو او مدیرانو په همکاري سره دا مسؤلیت مخته وړي.
په پای کې غونډه د خیر په دعا سره پای ته ورسیده او ټولو نوي سرپرست رئیس ته د مبارکۍ تر څنګ په چارو کې بریالیتوب وغوښتل.
