د فراه لوړو زده کړو مؤسسې کرنې پوهنځي د دوه ګونو څانګو او عمومي مدیریتونو د ۱۴۰۳ کال کلني عملیاتي پلانونو د تطبیق ارزونه وشوه!
د فراه لوړو زده کړو مؤسسې کرنې پوهنځي دوه ګونو څانګو او عمومي مدیریتونو د ۱۴۰۳ کال کلني عملیاتي پلانونو د تطبیق ارزونه وشوه.
غونډه د قاري عبدالخالق حقمل لخوا د قرآنکریم د څو مبارکو آیاتونو په تلاوت سره پیل شوه.
وروسته د کرنې پوهنځي رئیس پوهنمل عبدالناصر صدیقي ګډونوالو ته وینا وکړه او د کرنې پوهنځي ټول پرسونل د ۱۴۰۳ کال بي دريغه هڅو، همغږۍ، ژمنتيا او نيک اخلاص د خپل مسؤلیتونو د ترسره کولو څخه مننه وکړه او په راتلونکې کال کې د لا ډير کوښښ غوښتنه وکړه.
وروسته له هغه د کرنې پوهنځي دوه ګونو څانګو او عمومي مدیریتونو په خپل وار سره د یاد کال د عملیاتي پلانونو د تطبیق او پلي کېدو څرنګوالی، د ترسره شویو فعالیتونو پایلې او لاسته راوړنې د پرزینتیشن په بڼه وړاندې کړل.
او په پای کې د کرنې پوهنځي ياد پرسونل راپورونه مثبت و ارزول شوه او ټول د ستاينليکونو په ورکړي سره وستايل شول.
