د فراه لوړو زده کړو مؤسسې کې د عاليې او عالميې دورې فاضلانو شپږ ورځنۍ ازموينه پای ته ورسيده!
د فراه لوړو زده کړو مؤسسې کې د (۳۰۲) تنو عاليې او عالميې دورې فاضلانو شپږ ورځنۍ ازموينه چې په کې (۹۱) تنو عاليې دورې او (۲۱۱) تنو عالميې دورې فاضلانو ګډون درلود پای ته ورسيده.
ياده ازموينه د فراه لوړو زده کړو مؤسسې رئیس مولوي سميع الله حقاني، ګڼ شمير استادانو او د لوړو زده کړو وزارت له لوري د راغلي پلاوي په ګډون په رسمي بڼه په ارامه فضا او شفافه توګه ترسره شوه.
د يادونې وړ ده چې د لوړو زده کړو وزارت علمي معين ښاغلي دوکتور لطف الله خيرخواه د يادې ازموينې د لړۍ څخه له نږدې څارنه وکړه.
