فراه د لوړو زدهکړو مؤسسې خپل پنځه کلن استراتیژیک پلان تشریح او ارایه کړ.
نن ۲۱/ ۱۲/ ۱۴۰۲ نېټې باندې چې ۱/ روژې/ ۱۴۴۵ سره سمون خوري، د فراه لوړو زدهکړو مؤسسې خپل استراتیژیک پلان (۱۴۰۲ -۱۴۰۶) چې د لوړو زدهکړو وزارت لخوا تایید شوي دی، د عامهپوهاوي په موخه د غونډې ګډونوالو ته ارایه او شرحه کړ. په دې غونډې کې د فراه د لوړو زدهکړو مؤسسې رهبري هیئت، استادان، اداري کارکوونکي او محصلان او د دې تر څنګ عامو وګړو ګډون درلود. غونډه د قرآنکريم په تلاوت سره پيل سوه. د ارایې لومړۍ برخه ښاغلي پوهنیار فواد متین د استراتیژیک پلان کمېټې مشر، دویمه برخه ښاغلي پوهنیار حشمت الله ساراني د استراتیژیک پلان د کمېټې غړی او دریمه برخه ښاغلي پوهنمل محمد حسین فراهي په واضحه توګه ارایه کړه. ورپسې د فراه د لوړو زدهکړو مؤسسې قدرمن رئیس ښاغلي مولوي سمیع الله حقاني د اړوند موضوع په اړه وینا وکړه او وویل: چې له دې وروسته موږ برنامې او پلان لرو، په دې پنځو کلونو کې به دغه پلان تطبیق کړو. همدارنګه ښاغلي رئيس صاحب د فراه د لوړو زده کړو د (۱۴۰۲) کال فعالیتونه او راتلونکي پلانونو په اړه ګډونوالو ته مفصل معلومات ورکړل.
غونډه د دعوت او ارشاد آمر مولوي سمیعالحق عاصم په دعایې سره پای ته ورسیده.
فرهنګی او نشراتو کمیټه
