د اسلامي علومو او فرهنګ څانګې خپل ممتاز محصلین وستایل

farau_admin
یکشنبه ۱۴۰۲/۳/۲۱ - ۱۱:۵۹
Farau.admin

د ښوونې او روزنې پوهنځي د اسلامي علومو او فرهنګ څانګې په ۱۶/ ۳ / ۱۴۰۲ نېټې د څانګې د (۱۴۰۱ل) تحصیلي کال د لومړي سمستر ممتاز محصلان په ستاینلیکونو وستایل. دا هغه محصلان دي، چې له وړاندې یې د دې څانګې په کچه علمي مقالې لیکلي وي. دې غوڼدې ویاندويي د ښاغلي شیر محمد حقجو پر غاړه وه، یاده غوڼده د مولوي عزیزالله عطایی د قرآن مجید د څو مبارکو آیتونو په تلاوت سره پیل سوه. 
له تلاوت څخه وروسته د ښوونې او روزنې پوهنځي رئیس ښاغلي خلیل احمد برهاني وینا وکړه او د دې څانګې له آمر او استادانو څخه مننه وکړه، چې د محصلانو د پرمختګ لپاره داسې پروګرامونه پر لاره اچوي او زیاته یې کړه، چې د ښوونې او روزنې پوهنځی د پوهنتون د ریاست د هدایت له مخې غواړي چې په نږدې راتلونکي کې د پوهنځي په کچه د مقالې لیکنې سیالۍ پر لاره واچوي. 
له دې وروسته د اسلامي علومو او فرهنګ څانګې آمر ښاغلي پوهنیار رحمت الله مهرباني هم خبرې وکړي، ژمنه یې وکړه، چې په راتلونکي که به داسې نورې تشویقي برنامې زیاتوي. 
په پای کې د مقالې لیکنې ممتاز محصلان هر یو ښاغلی محمدصالح، عزیز الله عطایي، زین الله حیدري، محمد نادر اسلمي، عبدالله صالح، عبدالغفار عرفان او محمد قاسم صدیقي ته ستاینلیکونه ورکړل سوه او غونډه د خیر په دعا سره پای ته ورسیده.

وروستي خبرونه

شنبه ۱۴۰۴/۲/۲۰ - ۹:۱
Background image

د فراه لوړو زده کړو مؤسسې شرعياتو پوهنځي د ۱۴۰۳ کال کلني عملياتي پلان (٪۹۰) سلنه تطبيق!

د فراه لوړو زده کړو مؤسسې شرعياتو پوهنځي د تطبیق، تدوین او څارنې کمېټې لخوا د ټاکل شوي هئیت د چمتو شوي تفصیلی راپور پر بنسټ د يادې پوهنځي د ١٤٠٣ کال کلني عملیاتي پلان (٪۹۰) سلنه تطبیق. . .

شنبه ۱۴۰۴/۲/۱۳ - ۱۳:۵۳
Background image

د فراه لوړو زده کړو مؤسسې کې په (اسلامي نظام کې د امر بالمعروف و نهی عن المنکر ارزښت او مقام) ترسرلیک لاندې سمينار وړاندې شو!

د فراه لوړو زده کړو مؤسسې دعوت او ارشاد آمريت لخوا د يادې مؤسسې استادانو او اداري کارکوونکو ته په (اسلامي نظام کې د امر بالمعروف و نهی عن المنکر ارزښت او مقام) ترسرلیک لاندې سمينار. . .

بیرته خبرونو ته