د فراه لوړو زده کړو مؤسسې انګليسي ژبې او ادبياتو څانګي لخوا د (انګليسي ژبې خبرو سيالۍ او د ممتازو محصلانو ستاينغونډه) ترسره شوه!

د فراه لوړو زده کړو مؤسسې ښوونې او روزنې پوهنځي انګليسي ژبې او ادبياتو څانګي محصلانو ته د (انګليسي ژبې خبرو سيالۍ او د ممتازو محصلانو ستاينغونډه) د يادې پوهنځي د رئیس او ګڼ شمېر استادانو په ګډون ترسره شوه.

غونډه د قرانکريم په څو مبارکو اياتونو سره پيل شوه.

لومړی د ښوونې او روزنې پوهنځي رئیس لنډه وينا وکړه.

وروسته د انګليسي ژبې او ادبياتو څانګي آمر پوهنيار محمد ابراهيم سلطاني محصلانو ته وينا وکړه او زياته يې کړه چې هر محصل بايد ټاکلي موخه ولري او د هغه د ترلاسه کولو لپاره کوښښونه وکړي، د اسلامي نظام او د فراه لوړو زده کړو مؤسسې رهبرۍ ستاسو په بشپړه توګه حمايت کوي نو تاسې بايد د دې فرصت څخه پوره ګټه واخلئ، د يادې مؤسسې ټول پرسونل ته احترام وکړي، خپل په منځ کې سالم رقابت ولری او په يو کتاب کفايت مکوي خپلو درسونو سره نوري څېړنې هم وکړی.

او په پای کې محصلانو خپلې ويناوي وړاندې کړي او ممتازو محصلانو ته ستاينليکونه وويشل شوه.

او غونډه د خير په دعا سره پای ته ورسېده