د دوشنبې ورځ د (۱۴۰۲ل) کال د اسد مياشتې په دېرشمه نېټه د فراه لوړو زدهکړو مؤسسې رهبري او استادانو د فراه ولايت والي ښاغلي ملا نور محمد روحاني سره ګډه ناسته وکړه.
په دې ګډه ناسته کې د فراه لوړو زدهکړو مؤسسې ښاغلي رئيس مولوي سميع الله احمدي, د علمي او محصلانو چارو معاون پوهنيار عبدالبصير رحماني, د مالي او اداري چارو معاون حافظ مولوي عبالنافع منيب, د څلور ګونو پوهنځيو رئيسانو او استادانو ګډون کړی و.
د ښاغلي والي صاحب له ښه راغلاست وروسته د يادې مؤسسې ښاغلي رئيس مولوي سميع الله احمدي خبرې وکړې او د پوهنتون ستونزې يې ښاغلي والي صاحب ته په ګوته کړې.
ورپسې د يادې مؤسسې د علمي او محصلانو چارو معاون پوهنيار عبدالبصير رحماني خبرې وکړې, نوموړي په خپلو خبرو کې وويل: دا چې فراه يو له لرې ولايتونو څخه دی او په تیر وخت کې ورته دومره توجه شوې نه وه, همدا لامل دی چې لا تر اوسه د فراه لوړو زدهکړو مؤسسه په څېړنیزو او تدریسي برخو کې له ستونزو سره مخ ده.
ورپسې ښاغلي والي صاحب خبرې وکړې او د يادو ستونزو د هواري په برخه کې يې د همکارۍ ټټر وواهه, ترڅو يادې ستونزې له منځه لاړې شي.
یاده غونډه په دعا سره پای ته ورسيده.
نشراتو او فرهنګی کمیټه
