د فراه لوړو زدهکړو مؤسسې د اکاډميک نرم افزار پېژندغونډه!
د فراه لوړو زدهکړو مؤسسې د علمي شورا د پريکړې سره سم، د بريښنايي زدهکړو بورډ د فراه لوړو زدهکړو مؤسسې اکاډميک نرم افزار یې د يادې مؤسسې د علمي او اداري چارو د چټکتيا او اسانتيا په موخه جوړ او پېژندغونډه يې ترسره سوه.
غونډه د مولوي حفيظ اللّٰه شاکر لخوا د قرآنکريم د څو مبارکو اياتونو په تلاوت سره پيل سوه.
وروسته د بريښنايي زدهکړو بورډ غړو هر يو پوهنيار محمد پيروز قادري، نوماند پوهنيار انجنير صبور خيرمحمدزاده او پوهنيار احمدولي نوري د فراه لوړو زدهکړو مؤسسې اکاډميک نرم افزار پېژندنه، جوړښت او ورڅخه ګټه اخیستنه یې د يادې مؤسسې رئیس پوهنيار مولوي سميع الله حقاني او د علمي او محصلانو چارو مرستیال پوهنمل عبدالبصير رحماني په ګډون د پوهنځیو رئیسانو، آمرينو، استادانو او اداري کارکوونکو ته د ياد نرم افزار په اړه هر اړخيزه معلومات وړاندې کړل.
پس له هغه د فراه لوړو زدهکړو مؤسسې رئیس مولوي سميع الله حقاني ټولو ته د اکاډميک نرم افزار جوړيدو مبارکي وويل او د ياد بورډ د غړو دا کار يې وستايل او مننه يې وکړه او ياد نرم افزار يې د فراه لوړو زدهکړو مؤسسې لپاره يوه لويه لاستهراوړنه وګڼل.
ورپسي د فراه لوړو زده کړو مؤسسې علمي او محصلانو چارو مرستیال پوهنمل عبدالبصير رحماني د فراه لوړو زدهکړو مؤسسې د اکاډميک نرم افزار جوړیده، ټولو ته مبارکي وويل، د يادې مؤسسې د علمي او اداري چارو لپاره يو لوی پرمختګ وباله، او زياته يې کړه چې پر ياد نرم افزار د استادانو او اداري کارکوونکو نظريات په پام کې نيولو نور هم کار جريان لري.
په پای کې د فراه لوړو زدهکړو مؤسسې د اکاډميک نرم افزار جوړيدونکو غړو ته ستاينليکونه ورکړل سوه او ياده غونډه د خير په دعا سره پای ته ورسيده.
