د فراه لوړو زده کړو مؤسسې د ادارې کارکوونکو لپاره د اداري مراسلاتو مدیریت او عملي مدیریتي مهارتونو په اړه روزنیز ورکشاپ وړاندې شو!
د فراه لوړو زده کړو مؤسسې د ادارې کارکوونکو لپاره د لوړو زده کړو وزارت د کارکوونکو د چارو ریاست لخوا د اداري مراسلاتو مدیریت او عملي مدیریتي مهارتونو په اړه روزنیز ورکشاپ د رئیس مولوي سلطان محمد محسن، د کارکوونکو د چارو متخصص احمد سیر سعادت، د ظرفیت لوړونې او روزنې آمر عبیدالله مولائی، د کارکوونکو د استخدام آمر سید نسیم سادات، د ادارې پراختیا آمر رحیم الله همیم او د لوړو زده کړو وزارت د سوانحو عمومي مدیر په ګډون وړاندې شو.
ورکشاپ د استخدام او سوانح مدير حافظ نور احمد تنویر لخوا د قرآن کریم د مبارکو آیتونو په تلاوت سره پیل شو.
ورپسې د لوړو زده کړو وزارت د کارکوونکو د چارو د ظرفیت لوړونې او روزنې آمر عبیدالله مولائی د فراه لوړو زده کړو مؤسسې د ادارې کارکوونکو ته د اداري مراسلاتو مدیریت او عملي مدیریتي مهارتونو په اړه ورکشاپ وړاندې کړ.
په پای کې د لوړو زده کړو وزارت کارکوونکو چارو رياست استخدام آمر سید نسیم سادات لخوا د فراه لوړو زده کړو مؤسسې د کارکوونکو چارو عمومي مدير، استخدام مدير، حاضري مامور او د معاشاتو او حواله جاتو مدير ته د استخدام اړوند هر اړخيزه معلومات وړاندې کړل، چې په کې د کارکوونکو د استخدام په اړه تفصیلي توضیحات ورکړل شول.
