د فراه لوړو زدهکړو مؤسسې د علمي او محصلانو چارو مرستیال، د کیفیت لوړاوي آمر او د کیفیت لوړاوي اصلي کمیټې مسؤل په هرات پوهنتون کې د تضمین کیفیت او اعتبار ورکولو د چوکاټ او علمي پروګرامونو روزنیز ورکشاپ کې ګډون وکړ.
له ۲۸ / ۸ / ۱۴۰۲ل نیټې څخه تر ۲ / ۹ / ۱۴۰۲ل نېټې پورې؛
هرات پوهنتون ته د لوړو زدهکړو وزارت د تضمین کیفیت او اعتبار ورکولو ریاست له لوري د راغلو پلاوو هر یو پوهاند دوکتور محمد یوسف امین، پوهنمل دوکتور محمد امین امین او ورسره مله ملګرو د هرات پوهنتون د علمي شوراوو په سالون کې د تضمین کیفیت په اړه علمي او عملي ورکشاپ ترسره کړ.
په دې ورکشاپ کې د لويديځ زون د دولتي او خصوصي لوړو زدهکړو تحصیلي بنسټونو علمي معاونینو، د تضمین کیفیت آمرینو او مسؤلینو ګډون کړی و، چې فراه د لوړو زدهکړو مؤسسې له لوري د علمي او محصلانو چارو مرستیال پوهنيار عبدالبصیر رحماني، د کیفیت لوړاوي آمر پوهنیار حامد طیب او د کیفیت لوړاوي اصلي کمیټې مسؤل استاد صبور خیرمحمدزاده برخه اخیستې وه.
په یاد ورکشاپ کې د تضمین کیفیت (۱۱) اصلي معیارونه او (۴۹)فرعي معیارونه په مفصله توګه شرحه سوه. تر څنګ يې د پوهنتونونو او لوړو زدهکړو مؤسساتو پر لرليد، مأموریت، ستراتیژیک پلان، عملیاتي پلان، تطبیقي پلان، کلنۍ ارزونه، د علمي برنامو پر بیاکتنې او پر ګڼو نورو موضوعاتو په خورا ښه تفصیل او عملي توګه بحث وسو.
