د فراه لوړو زده کړو مؤسسې ته د امتحاناتو ملي اداري رئيس شيخ عبدالباقي حقاني سفر وکړ!
د امتحاناتو ملي اداري رئيس شيخ عبدالباقي حقاني د خپل سفر په ترڅ کې د فراه لوړو زده کړو مؤسسې رئیس مولوي سميع الله حقاني، مرستيالانو، پوهنځیو رئیسانو، آمرينو، استادانو او اداري کارکوونکو سره د يادې مؤسسې د غونډو په سالون کې ناسته وکړه.
ياد ناسته د قرآن کريم په څو مبارکو اياتونو سره پيل شوه.
وروسته د امتحاناتو ملي اداري رئيس شيخ عبدالباقي حقاني د ناستې ګډونوالو ته وينا وکړه او نوموړي د خپلو خبرو په دوام کې د استاد مقام ته په کتو سره وويل چې د پوهنتون استاد پادشاه نه دي خو پادشاهان روزې نو هڅکله دې د منفي تبلیغاتو تر اغیزې لاندې نه راځي او په سختی کې دې د حوصلې څخه کار واخلې او زياته ېې کړه چې د ديني مدارسو او پوهنتونونو تر منځ توپير او واټن نشته څرنګه چې په دې وطن کې ديني مدرسې ته ضرورت شته همدرانګه پوهنتونونو ته هم ضرورت شته ځکه چې ګټه او تاوان يې ګډ دی.
او شيخ عبدالباقي حقاني د خپل خاص شفقت له مخي د فراه لوړو زده کړو مؤسسې کتابتون ته خپل وه جلده تأليفات ډالۍ کړل.
او په پای کې د فراه لوړو زده کړو مؤسسې رئیس مولوي سميع الله حقاني د امتحاناتو ملي اداري رئيس شيخ عبدالباقي حقاني ته د ښه راغلاست ترڅنګ د نوموړي سفر يادې مؤسسې ته ګټور وباله.
او ناسته د خیر په دعا سره پای ته ورسیده.
